قادة من قبيله طىء

عملاق طيء وفي الهيجاء فارسها == بيض الصوارم زيد الخيل يرويها
كــفــا فـخـرا وتـخـلـيـدا لــسـيـرتــه == مـدائح من رســـول الله يـبـديـهــا
ســمــاه أحـمـد زيـد الخيـر فأفـتـخر == بذلك الأســم طيء في نواديــهــا

قبيـــــــــــــــــــــــــــــــــــلة طـــــــــــــــــــــي

تـفـاخروا بالقبايل
وكالوا عبارات الفخر بالمكاييل
كلن مدح ربعه بالأشعار قايل
يعطي عن أمجاد القبيله تـفاصيل
أبا أفتخر وأبا أدّعي بالدلايل
قولن عليه شهود مافيه تظليل
قبيلتي والمجد وجبال حايل
على مدى التاريخ جيلن بعد جيل
تنسب لهم مســــتعصيات الفعايل
أحفاد حاتم شمر الخيل والهيل
شمر طنايا طي روس الحمايل
ذباحة الفرسان ذباحة الحيل
أهل الجمايل يوم قل الجمايل
وأهل العطايا يوم قل المحاصيل
أهل الوفا لاخان شين العمايل
سلمن لهم موروث ماعنه تبديل
ان عاهدوا بالسلم مالعهد زايل
وان حاربوا يردون ورد المغاليل
ان صاحن الخفرات شقر الجدايل
تذهل رجال عقولها بالهلاهيل
مثل المجنن فوق قباً سلايل
صاروا على روس العدا طير أبابيل
يشهد لماضيهم صهيل الاصايل
ويشهد لحاضرهم خيار الرجاجيل
تميزوا في طيبات الخصايل
حتى تساموا فوق مثل القناديل
بنولهم مجدا ً بالافعال طايل
بسيوفهم وصحونهم والمعاميل
بسيوف شمر يعتدل كل مايل
ببيوت شمر للطراقي مداهيل
وبصحون شمر للكرامه نفايل
وخوي شمر ما شكى الضيم والويل
تاريخهم بمجلد المجد هايل
ثابت ومتحرك على صهوة الخيل
ارتدت الاعراب شرك ودغايل
بعض القبايل يوم جاهم مراسيل
الا قبيلة طي هرجاً صمايل
مع الخليفه جيش دعوه وتهليل
جيشً على الكفار صايل وجايل
سارت سراياهم من السند للنيل
ان قالوا توارن من السيل سايل
ذكرت حاتم والضيوف المقابيل
حاتم بلغ بالجود كل الفضايل
سيد الكرام أشهر من الجدي وسهيل
للموقده في دار حاتم شعايل
تجمع شتات ضيوف لا روح الليل
حايل سقاها غيث وبل المخايل
تبر الذهب بترابها له تشاكيل
هاك الجبال الشامخه والخمايل
وهاك النفود الساحره والغراميل
بالكون كله مالحايل مثايل
تحفه فريده تاخذ العقل وتهيل





عــامـــــرعـــودة الحـــــوار الـــــطـــــــائــــــــــي

والنعم من خلفه حاتم الطائي

مشكورررررر اخي عاشت الايادي