انا و عمي قوقل

أبي تجيبه لي ولو كان ماكان ؛؛؛
- - - - - - - - - يعني تصرف دوره بأي خانه ؛؛؛

أدري مسافر بس أنا ودي الآن ؛؛؛
- - - - - - - - - أعرف حبيبي وين يقضي زمانه ؛؛؛

ياما سألتك عن أماكن وبلدان ؛؛؛
- - - - - - - - - وجبت الأجابة بكل صدق وأمانه ؛؛؛

والحين يوم أني سألتك عن فلان ؛؛؛
- - - - - - - - - بانت علومك وين ذيك الذهانه ؛؛؛

عجزت تلقى لي ولو نص برهان ؛؛؛
- - - - - - - - - وإلا دليل يشير وجهة مكانه ؛؛؛

شرهانه ألقى لي إجابه وعنوان ؛؛؛
- - - - - - - - - ظنيت بيني وبين قوقل ميانه ؛؛؛

خلاص ياعمري ترى ذاك الإنسان ؛؛؛
- - - - - - - - - اللي خذا بالقلب قدر ومكانه ؛؛؛

ماقصر الجوال جابه ولا هان ؛؛؛
- - - - - - - - - وعرفت منه كيف حاله وشانه ؛؛؛؛