نهفة عزيزي.. مثلاً
عزيزي الناموس... أنام عالأرض وتنام عالتخت مثلاً؟؟
عزيزي عمرو دياب... بخصوص أغنية (أنا مهما كبرت صغير).. معك مشاكل بالنمو مثلاً؟؟
عزيزي مدير شرطة السير... كاميرات في كل مكان، ستار أكاديمي مثلاً؟؟
عزيزي المدير... اليوم آخر الشهر بدنا نقبض، ولا نشحد مثلاً؟؟
عزيزتي البنت... بالنسبة لمواصفات الشب اللي بدك يتجوزك.. نفتح مصنع "مهند" مثلاً؟؟
عزيزتي نانسي عجرم... بخصوص أغنية (سلمولي عليه).. إحنا خدامين عند أبوكي مثلاً؟؟
عزيزي الطقس بخصوص النوم... أنام بالثلاجة مثلاً؟؟
عزيزي توم... صارلك 40 سنة بتلحق ورا جيري، ما في حلقة أخيرة أو تاكلو مثلاً؟؟
عزيزي الشاب... ليش بتزعل بس حبيبتك تحكيلك أنها خطبت، بدك تتزوجها مثلاً؟؟
عزيزي السائق... اللي معتبر الغماز نوع من إكسسوارات السيارة، نفتح بالمندل عشان نعرف وين بدك تروح مثلاً؟؟
عزيزي الطنط... شو رأيك ترفع بنطلونك مثلاً؟؟
عزيزي شوفير التاكسي... انفخ سيلكون مشان اركب مثلاً؟؟
أعزائي زينب العسكري ونادية الجندي وإبراهيم الحربي... بخصوص أسمائكم الحرس الوطني مثلاً؟؟
عزيزتي الهندية... حاطة نقطة حمرا في نص صباحك، قلاية تيفال مثلاً؟؟
عزيزي تامر حسني... بخصوص أغنية (قرب كمان)، أجي اعد بحضنك مثلاً؟؟
عزيزي عمرو دياب... بخصوص (أنا عايش ومش عايش)، يعني نيجي نعزي ولا ما نعزي مثلاً؟؟
عزيزتي الشمس... نشرب الآيس كريم شرب مثلاً؟؟
عزيزي صابر الرباعي... بالنسبة لأغنية (أتحدى العالم)، حابب تعمل حرب عالمية مثلاً؟؟
عزيزي عامل الأمانة... بالنسبة للبسك البرتقالي.. بتحب هولندا مثلاً؟؟
عزيزي جورج وسوف... بالنسبة لصوتك.. بالع اكزوزت مثلاً؟؟
عزيزتي الفتاة... صير العب في المنتخب الايطالي عشان تحبيني مثلاً؟؟
عزيزي تامر حسني... بالنسبة لأغنية (صحيت على صوتها)، مصاحب ديك مثلاً؟؟
عزيزتي المروحة... مش حاسة انه وجودك متل عدمو مثلاً؟؟
عزيزي بياع الكعك... بالنسبة لمواعيدك الغانمة (5.30 الصبح).. بنحلم فيك مثلاً؟؟
عزيزي الخروف... لابس صوف ونايم تحت الشمس.. شغلك صوبة مثلاً؟؟
عزيزي الأجرب... يعني إذا ضليت تحك، ممكن يطلعلك المارد مثلاً؟؟
عزيزتي روتانا سينما... مش هتقدر تغمض عينيك، نعتبروا تهديد مثلاً؟؟
عزيزي نيوتن.. بالنسبة للتفاحة، مش كان أكلتها وريحتنا مثلاً؟؟
عزيزتي نانسي عجرم... بالنسبة لأغنية (ابن الجيران)، ما عندك أخ يضبك مثلاً؟؟
عزيزي النت.. بالنسبة للسرعة، خايف تتخالف مثلاً؟؟
عزيزي الصرصور أبو شوارب... عقيد باب الحارة مثلاً؟؟
عزيزتي أليسا... بالنسبة لأغنية (مصدومة).. نعملك كروكا مثلاً؟؟
عزيزتي القهوة... بالنسبة أن في قهوة وسط ، في قهوة هجوم مثلاً؟؟
عزيزي... اللي ما عجبوا الموضوع.. طالبين رأيك مثلاً؟؟