[b]سلم على طي وسلم على شمر
الشمس غابت وكلن دور سراجه
والشوق جمر ماحر الشوق لاجمر
دام اتجاهك شمال مودعك حاجه
سلم علىطي وسلم على شمر
قدامك الخافق الي ينشد علاجه
كنه معلق على برزان ومسمر
وانت تعرف يابعد حيي من تواجه
بيضان الافعال لامن الزمن سمر
ان ضاقو اعنف من البحر ومن امواجه
وان راقو اركد من الخرمان لا عمر
كم صيت بيت عتق في الباب مزلاجه
وكم شيخ اماره قبل تعيينه مومر
وكم حاتمي (ن) تكفي فلة حجاجه
وشلون للضيف لو عن ساعده شمّر
وان مر تاريخهم متلبس (ن) تاجه
كم عاشق (ن) كيّـــف وكم حاسد (ن) زمّر
في جو(ن) اغلى على الرجلي الى داجه
من ديرة السادس ومن ديرة معمر
كنه الى اهدا له البراق ثجاجه
طلة غرير ضحك ومن الخجل حمّر
تواثو حرثه وتمتير ديباجه
ركابة الجيب من ركابة الضمر
الود لا غرس بدري صعب مخراجه
والله ولا الذ واحلى منه لا ثمر
ادخل على الي تطوف البيت حجاجه
من ناقص عند مدح الغير يتذمر
والمدح لوكان في الرديان للصاجه
ويقال عمر بلد بالعون ماعمر
والذم لو زاد بالطيب تولاجه
لا احرق ولا اغرق ولا عمر ولا دمر
مانيب متحسف بشعري على حاجه
الا اني اروح ماغنيت في طي و شمر
وسلامتكم اخوتي اهل طي
الخميس مايو 27, 2010 4:31 pm
