توك صغيره وابتديتي تحبين
من علمك ليل السهر ياصغيره
بدري عليك العشق يابنت هالحين.
حرام هذا القلب وشهو مصيره
انتي بريئه في الهوى ليه تشقين
صدماته لقلبك تراها خطيره
عيشي الطفوله واتركي الحب بعدين،
وادروبه طوال عليك وعسيره
الشوق يفضح لاانكشف داخل العين
وانتي بنفسك ماهقيتك بصيره
إن كان قصدك بالمحبه تسلين
بالعكس بتشوفين هم وحيره
الحب قبلك هز ناس كثيرين
خلا القلوب تعيش خوف وغيره
طيعي كلامي واحذري لاتمادين
تراجعي لعل في الامر خيره
عيشي الطفوله والبراءه لك سنين
وبعدين حبي لاغديتي كبيره
الأحد مايو 02, 2010 6:41 am
